Sími 441 6400

Gagnlegar upplýsingar

Fyrirsagnalisti

Yfirlit yfir helstu smitsjúkdóma barna

 

Viðmið fyrir foreldra, starfsfólk, leikskóla og dagforeldra.

Það er réttur barnsins að vera heima þegar það er veikt, t.d. með hita eða almenna vanlíðan. Veikt barn getur smitað önnur börn sem kallar á fjarvistir bæði barna og foreldra. Einnig eru líkur á að starfsfólk geti smitast.

Unnið í samráði við meðal annars Þórólf Guðnason barnalækni og heilsugæslulæknum í Kópavogi

Hitalaus = miðað við < 38°C við endaþarmsmælingu eða < 37,5°C við munnmælingu.

Yfirlit-yfir-helstu-smitsjukdoma-barna

 

Hvað þarf að hafa með sér í leikskólann??


2 nærbuxur
2 nærbolir
sokkabuxur, millibuxur
2x sokkar og ullarsokkar
buxur
tvennir vettlingar
peysa/þykk peysa
Hvað útifatnað varðar, þá verður POLLAGALLINN  að vera með á hverjum degi, heill og hreinn og að sjálfsögðu gúmmístígvél. Kuldaskór verða strax blautir þegar út í rigningu er komið. Þegar kólna fer í veðri þarf að hafa kuldagalla og kuldaskóna meðferðis. Þetta er jú vinna barnanna og við vitum, sem búum í þessu annars ágæta landi að veðurfarið er með fjölbreytilegasta móti, snjór fyrir hádegi, rigning eftir hádegi og allt þar á milli. Þess vegna er nauðsynlegt að hafa meðferðis allt sem upp er talið. Að sjálfsögðu þarf að merkja allt mjög vel ( við lánum merkipenna). Leikskólinn er ekki með auka föt til að lána. Ef barn kemur ekki með þann fatnað sem við á hvern dag, þá hringjum við í foreldra og biðjum þá að koma með það sem vantar. Ath. Klippið allar reimar úr fatnaði barnsins vegna slysahættu.  Að lokum er farið fram á að þið farið yfir þau plögg sem eru á ofninum og þurrkskáp alltaf þegar börnin eru sótt. Vettlingar,  húfur og pollagallar verða mjög fljótt skítug og þá þarf að þvo. Ekkert okkar myndi kæra sig um að klæða sig í óhreinan útiklæðnað að morgni áður en haldið er til vinnu.
Svo eruð þið beðin að kíkja reglulega í aukafata-körfuna.

Efnisvalmynd