Sími 441 6400

Fréttir

Jólafréttabréf 2015

27.11.2015

Senn koma jólin og er undirbúningur þeirra hafinn hér í Grænatúni.  Við höldum að sjálfsögðu í okkar venjur og siði sem hafa skapast hér í gegnum árin. 

Í dag föstudaginn 27. nóvember munum við í söngstundinni okkar kveikja á fyrsta kertinu okkar á aðventukransinum sem heitir Spádómskertið. 

Sunnudaginn 29. nóvember kl: 11-13 ætlar foreldrafélagið að vera með hið árlega jólaball í Snælandsskóla. Foreldrafélagið verður með heitt kakó á boðstólnum og svo koma allir foreldrar með eitthvað gott á sameiginlegt hlaðborð. 

Þriðjudaginn 1. desember fara elstu börnin í Snælandsskóla á  söngleikinn Karlsson, Lítill, Trítill og fuglarnir sem er liður í samvinnu leik- og grunnskóla.

Helgileikurinn okkar verður á sínum stað 3. og 4. desember 

Skessudeild verður í aðalhlutverki fimmtudaginn 3. desember og þá eru foreldrar á Skessudeild velkomnir.  Föstudaginn 4. desember verða börnin á Trölladeild í aðalhlutverkum og börnin á Dvergadeild fá að vera með og þá eru foreldar barna á þeim deildum velkomnir.  Sýningar hefjast báða dagana kl:9:30.  Eftir helgileikina er foreldrum boðið með börnum sínum inn á deildar í smá hressingu.  Vonandi  geta sem flestir foreldrar séð af tíma til að setjast niður og spjalla svolítið.

Þriðjudaginn 8. desember fara elstu börnin á Árbæjarsafn og skoða hvernig haldið var upp á jólin í gamla daga.

Fimmtudaginn 10. desember verður svo sýnt hið stórskemmtilega brúðuleikrit "Pönnukakan hennar Grýlu" í uppfærslu brúðuleikhúsmeistarans Bernd Ogrodnik

Föstudaginn 11. desember verður  Rauður dagur  en þá munum við mæta í rauðum fatnaði í skólann og borða rauðan mat :)

Föstudaginn 18. desember verður hátíðardagur hjá okkur þar sem hátíðarmorgunmatur og hátíðarhádegismatur verða bornir fram, hátíðarsöngstund, jólabíó og dansað í kringum jólatréð.  Það verður sannkölluð hátíðarstemning í húsinu.

Að lokum “dönsum við jólin út“ miðvikudaginn 6. janúar 2016.

Við munum að sjálfsögðu syngja mikið og lesa jólasögur og kvæði, auk þess sem við föndrum.  Allt verður þetta þó í hófi og við leggjum upp með rólegheit og sleppum öllu stressi. 

Við viljum ítreka að Stekkjastaur kemur til byggða fyrstur bræðra og fer skórinn út í glugga að kvöldi 11. desember og ekki fyrr

Við óskum ykkur öllum gleðilegrar hátíðar og þökkum fyrir árið sem er að líða og óskum ykkur velfarnaðar á nýju ári 2016.