Sími 441 6400

Fréttir

Jólafréttabréf 2016

1.12.2016

Senn koma jólin og er undirbúningur þeirra hafinn hér í Grænatúni.  Við höldum að sjálfsögðu í okkar venjur og siði sem hafa skapast hér í gegnum árin.  

Í síðustu viku föstudaginn 25. nóvember kveiktum við á fyrsta kertinu okkar á aðventukransinum sem heitir Spádómskerti. 

Mánudaginn 28. nóvember fór hluti af elstu börnunum á Skessudeild á Árbæjarsafn

Þriðjudaginn 29. nóvember fór hluti af elstu börnunum á Skessudeild á Árbæjarsafn. 

Föstudaginn 2. desember verður  Rauður dagur  en þá munum við mæta í rauðum fatnaði í skólann og borða rauðan mat :)

Sunnudaginn 4. desember kl: 11-13 ætlar foreldrafélagið að vera með hið árlega jólaball í Snælandsskóla. Foreldrafélagið verður með heitt kakó á boðstólnum og svo koma allir foreldrar með eitthvað gott á sameiginlegt hlaðborð. 

Helgileikurinn okkar verður á sínum stað 8. og 9. desember 
Skessudeild verður í aðalhlutverki fimmtudaginn 8. desember og þá eru foreldrar á Skessudeild velkomnir.  Föstudaginn 9. desember verða börnin á Trölladeild í aðalhlutverki og börnin á Dvergadeild fá að vera með og þá eru foreldar barna á þeim deildum velkomnir.  Sýningar hefjast báða dagana kl:9:30.  Eftir helgileikina er foreldrum boðið með börnum sínum inn á deildar í smá hressingu.  Vonandi  geta sem flestir foreldrar séð af tíma til að setjast niður og spjalla svolítið.

Þriðjudaginn 13. desember verður svo jólasýning fyrir börnin í boði foreldrafélagsins.  Jólasýningin í ár verður „Augasteinn“.

Föstudaginn 16. desember verður hátíðardagur hjá okkur þar sem hátíðarmorgunmatur og hátíðarhádegismatur verða bornir fram, hátíðarsöngstund, jólabíó og dansað í kringum jólatréið.  Það verður sannkölluð hátíðarstemning í húsinu.

Að lokum“dönsum við jólin út“ föstudaginn 6. janúar 2017.

Við munum að sjálfsögðu syngja mikið og lesa jólasögur og kvæði, auk þess sem við föndrum.  Allt verður þetta þó í hófi og við leggjum upp með rólegheit og sleppum öllu stressi. 

Við viljum ítreka að Stekkjastaur kemur til byggða fyrstur bræðra og fer skórinn út í glugga að kvöldi 11. desember og ekki fyrr

Við óskum ykkur öllum gleðilegrar hátíðar og þökkum fyrir árið sem er að líða og óskum ykkur velfarnaðar á nýju ári 2017. 

Starfsfólk Grænatúns