Fréttir

Jólafréttabréfið 2018

29.11.2018

Senn koma jólin og er undirbúningur þeirra hafinn hér í Grænatúni.  Við höldum að sjálfsögðu í okkar venjur og siði sem hafa skapast hér í gegnum árin. 

Föstudaginn 30. nóvember verður  Rauður dagur  en þá munum við mæta í rauðum fatnaði í skólann og borða rauðan mat J í söngstundinni okkar munum við kveikja á fyrsta kertinu okkar á aðventukransinum sem heitir Spádómskertið.

Helgileikur fyrir foreldra.

Fimmtudaginn 6. desember kl:9:30 verður Skessudeild  í aðalhlutverki  og þá eru foreldrar á Skessudeild velkomnir. 

Föstudaginn 7. desember kl:9:30 verða börnin á Trölladeild í aðalhlutverkum og börnin á Dvergadeild fá að vera með og þá eru foreldar barna á þeim deildum velkomnir. 

Eftir helgileikina er foreldrum boðið með börnum sínum inn á deildar í smá hressingu.  Vonandi  geta sem flestir foreldrar séð af tíma til að setjast niður og spjalla svolítið.

Sunnudaginn 9. desember kl: 11-13 ætlar foreldrafélagið að vera með hið árlega jólaball í Snælandsskóla. Foreldrafélagið verður með heitt kakó á boðstólnum og svo koma allir foreldrar með eitthvað gott á sameiginlegt hlaðborð. 

Fimmtudaginn 13. desember kl:10:00 kemur Stoppleikhópurinn og býður upp á bráðfallega og hugljúfa jólasýningu í ár. Það er jólaleikritið: Sigga og Skessa í jólaskapi byggt á sögum Herdísar Egilsdóttur.

Föstudaginn 14. desember verður hátíðardagur hjá okkur þar sem hátíðarmorgunmatur og hátíðarhádegismatur verða bornir fram, hátíðarsöngstund, jólabíó og dansað í kringum jólatréið.  Það verður sannkölluð hátíðarstemning í húsinu.

Mánudaginn 17. desember fara elstu börnin á Árbæjarsafn og skoða hvernig haldið var upp á jólin í gamla daga. 

 

Að lokum “dönsum við jólin út“ mánudaginn 7. janúar 2019.

 

Við munum að sjálfsögðu syngja mikið og lesa jólasögur og kvæði, auk þess sem við föndrum.  Allt verður þetta þó í hófi og við leggjum upp með rólegheit og sleppum öllu stressi. 

Við viljum benda á að Stekkjastaur kemur til byggða fyrstur bræðra og fer skórinn út í glugga að kvöldi 11. desember og ekki fyrr.  Við vonum að jólasveinar stilli skógjöfum í hóf  ;)  

Við óskum ykkur öllum gleðilegrar hátíðar og þökkum fyrir árið sem er að líða og óskum ykkur velfarnaðar á nýju ári 2019

Jóla- og nýárskveðjur starfsfólk Grænatúns






Þetta vefsvæði byggir á Eplica