Starfssvið

Meginverkefni

Stjórnun og skipulag

• Ber ábyrgð á skipulagningu, framkvæmd og mati á sérkennslu í leikskólanum í samstarfi við leikskólastjóra.
• Er faglegur leiðtogi og umsjónarmaður sérkennslu innan leikskólans.
• Annast frumathugun á stöðu barna eftir því sem við á og veitir starfsfólki ráðgjöf og stuðning í málefnum sérkennslu.
• Ber ábyrgð á upplýsingamiðlun milli sérkennsluráðgjafa, sérfræðinga og starfsfólks leikskólans.
• Hefur umsjón með námsgögnum, greiningartækjum og öðrum kennslugögnum sem tengjast sérkennslu.
• Er tengiliður samþættrar þjónustu og stuðlar að virkri samvinnu þeirra aðila sem koma að þjónustu barnsins.

Uppeldi og menntun

• Ber ábyrgð á að börn sem njóta sérkennslu fái viðeigandi stuðning og þroskavænleg verkefni sem taka mið af þörfum þeirra og styrkleikum.
• Hefur yfirumsjón með gerð, framkvæmd og endurmati einstaklingsnámskráa og annarra stuðningsáætlana.
• Fylgir eftir að ráðleggingum og áherslum annarra sérfræðinga sé framfylgt í leikskólastarfinu.
• Ber ábyrgð á skráningu, mati og skýrslugerð vegna sérkennslu eftir því sem við á.

Samstarf við foreldra

• Vinnur í nánu samstarfi við foreldra og forsjáraðila barna sem njóta sérkennslu.
• Situr fundi, viðtöl og samráðsfundi með foreldrum og öðrum fagaðilum eftir þörfum.
• Veitir foreldrum fræðslu, ráðgjöf og stuðning varðandi nám, þroska og velferð barnsins.
• Tekur þátt í foreldrafundum á vegum leikskólans eftir því sem við á.

Samstarf og önnur verkefni

• Hefur náið samstarf við sérkennsluráðgjafa, sálfræðinga, talmeinafræðinga, þroskaþjálfa og aðra sérfræðinga sem koma að þjónustu við börnin.
• Situr fundi þar sem fjallað er um málefni barna sem þurfa sérkennslu eða aðra sérfræðiþjónustu samkvæmt boðun yfirmanns eða annarra hlutaðeigandi aðila.
• Tekur þátt í starfsmannafundum og öðrum fundum sem varða starfsemi leikskólans.
• Sinnir öðrum verkefnum á sviði sérkennslu og farsældar barna samkvæmt nánari ákvörðun leikskólastjóra.